Младата Победа немаше сили за силната Брегалница – „сините“ со 0:4 славеа над прилепчани на „Гоце Делчев“ во меч од 15. коло на Втората лига. Победа настапи со дури десет младинци во првиот тим, а во вториот состав беа сите младинци, односно под 21 година.
Без многу мака четата на Влатко Костов на искуство и како на тренинг го доби мечот, а на полувреме резултатот беше 0:2.
Хусеин Демири во 22. минута го отвори резултатот, а веќе во 33. минута Брегалница имаше 0:2 со голот на Давид Калпачки. Со два гола предност на полувреме Победа беше свесна дека ќе биде многу тешко и дека нема капацитет за изненадување.
Дино Михолов во игра влезе во 52. минута и веќе во 75. минута постигна гол за 0:3, а пак младиот Даријан Тасев постигна гол по огромна и катастрофална грешка на младиот Мартин Митрески, Тасев успеа да ја пресече топката и без проблеми го совлада Марко Николоски, кој по четврти пат ја вадеше топката од својата мрежа.
