Македонската репрезентација до 21 година на 13 и 18 ноември ќе ги одигра следните два натпревари од квалификациите за Европското првенство 2027, и тоа на домашен терен – на стадионот „Петар Милошевски“ во Битола.
Нашите млади надежи ќе се соочат со селекциите на Шведска и Полска, во мечеви кои можат да бидат клучни во борбата за повисок пласман во групата.
Продажбата на билети е во тек преку електронската платформа на ФФМ – eticket.ffm.mk, како и во продажните места на Димпо Тобако во Битола. Цената на билетот изнесува 200 денари.
Бидете дел од фудбалската атмосфера во Битола и пружете поддршка за нашите репрезентативци на патот кон Европското првенство!
