Утре на Градскиот стадион во Валандово ќе се одигра одложениот натпревар меѓу Победа Валандово и Дојранско Езеро од 6. коло на Трета лига – Исток. Познати се судиите кои ќе ја делат правдата на овој натпревар.
Главен судија на натпреварот ќе биде Здравко Костовски од Штип, а негови помошници ќе бидат Игор Филипов и Цане Давитков, исто така од Штип.
Делегат на средбата ќе биде Коце Харизанов од Штип, а пак контролор ќе биде Алекса Горбашлиев од Богданци.
Натпреварот ќе започне во 13:30 часот, а со истиот ќе се комплетира шестото коло.
