Прилепска Победа минатата сезона преку бараж остана во Втората лига, откако на стадионот во Ѓорче Петров со 2:1 славеше над шампионот во Трета лига – Север, Куманово и со тоа го сочува второлигашкиот статус.
Во турболентна сезона со млади играчи кои буквално изгинаа на терен со цел прилепската фудбалска гордост да не испадне во Трета лига – Југ, и нивната намера беше успешна. Турболенциите продолжуваат и во новата сезона, Победа одново ќе води борба за опстанок, но овој пат поучени од минатата сезона ќе одат со цел на директен и сигурен опстанок, односно да се избегне баражот.
Тренерот Јане Николоски си поднесе оставка и си замина, па Победа привремено го назначи Стојанче Дунимаглоски да ја води Победа, а откако на пријателскиот меч Победа со 1:0 беше подобра од прволигашот Воска Спорт, раководството на Победа одлучи Дунимаглоски да биде трајно тренерско решение.
Официјалното деби на Дунимаглоски во Втората лига ќе биде в сабота во мечот против Вардар Неготино во Струмица од осмото коло. За Победа ова ќе биде предност бидејќи Вардар Неготино не игра на својот тренер во Неготино, бидејќи е суспендиран од ФФМ на два натпревари, а токму овој меч против Победа е вториот од суспензијата со што Вардар ќе се врати во Неготино.
