Изминатиот викенд започна новата сезона во пинг понг Суперлигата и Првата лига на Македонија со натпреварите од првото коло.
Во првото воведно коло од Суперлигата екипата на Крива Паланка запиша висока победа од 4:1 над Вардар, додека пак Пелагонија беше пресилна за Берово со 4:0.
Неизвесен меч имаше на мечот меѓу Астраион и Телеком Нец 2 каде скопскиот тим со 3:4 славеше над струмичани. Младост 96 од Прилеп со 4:2 го доби Радовиш, додека пак Шампион ФА со 4:1 беше подобар од Младост.
Следниот викенд ќе се одиграат натпреварите од второто и третото коло.
Во однос на Првата лига екипата на Студент со 4:3 го доби Кочани, Борец Тим пресилен со 4:0 против Рисови, Дебар Маало загуби од Работнички со 1:4.
Со резултат од 4:1 екипата на АС Ѓорче Петров беше подобра од Куманово, а пак Крива Паланка 2007 со 4:1 беше подобра од Берово 2.
Следниот викенд и во Првата лига ќе се одиграат натпреварите од второто и третото коло.
