По седум одиграни кола во ракометната Суперлига на Македонија правиме пресек на табелата.
Осамен лидер со максимални 14 бодови на своето конто е екипата на Алкалоид, која е предводена од ракометната легенда Кирил Лазаров. Тимот од Автокоманда има седум од седум со најдобар напад кој реализирал 251 погодок на овие седум натпревари.
Три екипи имаат по 12 бодови односно Охрид, Еурофарм Пелистер и Вардар. Охридските „гладијатори“ на Стевче Алушовски во претходното коло беа поразени од шампионот Еурофарм Пелистер во Битола и со тоа го претрпеа првиот сезонски пораз.
Еурофарм Пелистер има една пораз од екипата на Вардар, а пак Вардар единствениот пораз го има од Алкалоид.
На петтото место е Бутел со осум бодови, а по триумфот над Тиквеш екипата на Бутел се зацврсти на петтото место и само прави чекор напред кон местата за плеј-оф завршницата.
Пролет исто така во претходното коло запиша важен триумф и со тоа е на шесттото место со шест бодови пред Тиквеш кој по проазот од Бутел останува на делба на седмото место со по пет бодови, колку што има и Прилеп кој е шести.
- ЦЕЛА ТАБЕЛА 7. КОЛО СУПЕРЛИГА:
Практично тука и ќе се води таа борба за плеј-офот. Бутел засега само се зацврстува на петтото место, а пак шестото место „виси“ и тука Пролет го чека тежок предизвик со цел истото да го сочува.
Тиквеш и Прилеп повеќе од јасно е дека ќе сакаат место во плеј-офот, но засега им оди тешко. Куманово е на деветтото место со четири бодови, колку што има и Струга која е на 10. место. Дебитантот Бисинов е на 11-тото место со два бодови, а на дното без бодови и понатаму е Радовиш.
Токму следната рунда го носи и дуелот меѓу повратникот Радовиш и дебитантот Бисинов, практично дерби на двете екипи кои минатата сезона настапуваа во Првата ракометна лига, дерби каде радовишани сакаат прва победа и први бодови, а пак Бисинов со неколку играчи кои во минатото беа дел токму во Радовиш во СРЦ „25 Мај“ ќе атакуваат на втор сезонски триумф и освојување на двата бодови.
