Во недела со почеток од 14 часот ќе се одиграат натпреварите од шестото коло на Трета лига – Исток, а во рамки на оваа рунда слободна ќе биде екипата на Тиверија од Струмица.
Познати се судиите кои ќе ја делат правдата на натпреварите. Тодор Апостолов од Зрновци ќе им суди на Карбинци и Малеш, а ќе му помагаат Николе Симонов од Свети Николов и Ристе Бојчев од Штип.
Делегат ќе биде Коце Харизанов од Штип, а пак контролор Кирчо Ѓоргиев од Штип.
Во Делчево ќе се соочат Брегалница и Хоризонт Турново, а правдата ќе ја дели Тоше Џамов од Кочани. Асистенти ќе бидат Даниел Ангелов и Игорче Богатинов од Кочани.
Момир Јанчичиќ од Пробиштип ќе биде делегат, а пак Драган Јаневски од Кочани ќе биде контролор.
Во Валандово каде ќе се одигра дербито меѓу Победа и Дојранско Езеро главен судија ќе биде Здравко Костовски од Штип, со неговите помошници Игор Филипов и Цане Давитков од Штип.
Делегат на средбата ќе биде Ѓорѓи Николов од Штип, а пак Алекса Горбашлиев од Богданци ќе биде контролор.
Јордан Јовановски од Гевгелија ќе им суди на Ударник и Рудар во Пирава, а ќе му помагаат Иван Танев и Стефан Митров од Гевгелија. За делегат е делегиран Дејан Костадинов од Гевгелија, а контролор ќе биде Крсто Пандев од Валандово.
Во Зрновци силите ќе ги одмерат Светлост и Овче Поле, а судиска тројка од Радовиш ќе дели правда. Главен судија ќе биде Борче Коцев, а помошници ќе бидат Дејан Спасов и Александар Ѓеоргиевски.
Делегат ќе биде Гоце Димитров од Кочани, а пак Киро Тодоровски, исто така од Кочани ќе биде контролор.
