Македонија е прва во групата за квалификациите за Светското првенство 2026, откако одигра 0:0 на тешкото гостување во Гент кај Белгија.
Шансите за пласман на Мундијалот се големи, Македонија сега е пред многу голем историски момент за првпат во историјата да се пласира на Светско првенство.
По натпреварот во Гент, репрезентативецот на Македонија, Ѓоко Зајков, истака дека покажале храброст на теренот, вели дека оставиле срце на терен за Македонија и дополнува дека одиграле дисциплинирано во одбраната.
„Одигравме храбро, дисциплинирано во одбрана се разбира дека со ваков противник не може секогаш да ги надигруваме, но покажавме дека сме храбри, дека оставаме срце за Македонија и со дисциплина стигнавме до тој бод. За мене тоа е многу голем бод, особено во гости со Белгија. Но, сега треба да ги спуштиме нозете на земја, имаме за три дена друг натпревар, исто многу важен исто како овој. Да се одмори ме добро со цел да дадеме пак максимум за тој натпревар, да победиме и да ги освоиме трите бодови што е најважно ако сакаме да играме на Светско првенство. Беше тешко, но затоа со добра комуникација не само ние тројца, сите и Столе од позади, морам да спомнам и за дечките што играат напред и среден ред изгинаа на овој натпревар што знам дека е многу тешко и за нив кога некој играч нема да допре топка, а тоа му се квалитетите најголеми. Но, затоа пак ќе речам кога се игра за Македонија, се остава срце на терен и како и да треба на крај да се одигра, така ќе се одигра само да се исполни целта“, вели репрезентативецот Ѓоко Зајков.
