Во недела ќе бидат одиграни натпреварите од 4. коло во Трета лига – Југозапад, а веќе се познати и судиите кои ќе ја делат правдата на петте натпревари.
Енис Зекмановски од Ресен ќе патува во Мешеишта, каде ќе им суди на Славеј и Напредок од Ношпал. Негови асистенти ќе бидат Даниел Митревски и Агрон Дафтов, исто така од Ресен.
Димитар Левески од Охрид го доби мечот меѓу Могила и Кораб од Дебар. Негови асистенти ќе бидат Љупчо Спироски и Михајло Ванкоски од Охрид.
Анѓеле Спироски од Струга го доби струшкото дерби меѓу Влазними и Караорман, а ќе му помагаат Кренар Бекри и Петко Бушевски, исто така од Струга.
Климент Ристоски од Струга ќе биде задолжен да ја дели правдата на средбата меѓу Кравари и лидерот Света Троица од Охрид. Негови асистенти ќе бидат Разме Бакрачески и Марио Мојсоски од Струга.
Демир Хисар на домашен терен ќе игра против Велешта, а главен судија на овој меч ќе биде Александар Крстевски од Битола, а ќе му помагаат битолчаните Адмир Бајрами и Бобан Цветаноски.
