Денес со два натпреварите ќе биде отворено 4. коло во Трета лига – Запад, а ќе се комплетира со останатите четири кои се играат утре.
Познати се судиите кои ќе ја делат правдата во рамки на четвртата рунда.
Дарко Радески од Брвеница ќе им суди на Џепчишти и Љуботен, а ќе му помагаат Александар Ѓорѓески од Тетово и Идрис Сали од Боговиње.
Нинослав Нанков од Скопје ќе ја дели правдата на мечот меѓу Напредок и Скендербеу во Кичево, а негови помошници ќе бидат Зоран Јанкуловски и Куштрим Лика од Кичево.
Овие два натпреварите се играат денес, а утре ќе се играат останатите четири.
Бенарт Зеќири од Кичево ќе им суди на Зајази и лидерот Камјани, а негови помошници ќе бидат Осман Зеќири и Вели Абдиу, исто така од Кичево.
Ренова на домашен терен ќе се соочи со Доброшти, во меч каде главен судија ќе биде Имран Абази од село Ново Село, Боговиње, а негови помошници ќе бидат Беким Селими од село Порој, тетовско и Идрис Сали од Боговиње.
Во Брвеница силите ќе ги одмерат Вардар и Дрита, а за правдата ќе биде задолжен Бархињ Ибраими од Тетово, а негови помошници ќе бидат Идриз Идризи од Тетово и Орхан Сабрии од село Шемшово, Јегуновце.
Ивица Перовски од Тетово ќе им суди на Речица и Влазерими, меч кој се игра во Голема Речица. Илчо Пауноски и Генти Идризи од Тетово ќе бидат негови помошници.
