Утре ќе се одиграат натпреварите од 5. коло на Трета лига – Исток, а веќе се познати судиите кои ќе ја делат правдата на натпреварите кои ќе започнат во 15 часот.
Во рамки на петтата рунда слободна ќе биде екипата на Светлост од Зрновци.
Во Свети Николе се среќаваат Овче Поле и Ударник, а правдата ќе ја дели Тодор Апостолов од Зрновци, кочанско, негови помошници ќе бидат Богданчо Ѓеоргиев од Кочани и Николе Симонов од Свети Николе.
За правдата во Пробиштип каде ќе се соочат Рудар и Победа од Валандово ќе се погрижи Тоше Џамов од Кочани, со неговите асистенти Петар Михаилов и Даниел Ангелов, исто така од Кочани.
Блаже Петковски од Миравци ќе патува во Дојран, каде ќе им суди на Дојранско Езеро и Брегалница од Делчево. Негови помошници ќе бидат Кирил Манчев и Петар Манчев од Валандово.
На стадионот „Кукуш“ силите ќе ги одмерат фаворитот Хоризонт Турново и Карбинци, а Јордан Јовановски од Гевгелија ќе биде главен судија. Негови помошници ќе бидат Борче Коцев од Радовиш и Славе Станисавовски од Валандово.
Иван Јанев од Штип ќе патува во Берово каде ќе ја дели правдата на мечот меѓу Малеш и Тиверија, а негови асистенти ќе бидат Александар Гигов и Марио Кочијев од Штип.
