Младински фудбалФудбал

ФК Пелистер со порака до родителите: „Трибините се ваш терен – играјте со срце“

Сподели
Сподели

Младинската школа на ФК Пелистер од Битола упати апел до родителите на своите млади фудбалери, потенцирајќи дека нивната улога е клучна за правилниот развој на децата – не само како спортисти, туку и како личности.

Од клубот порачуваат дека родителите се првиот и најважен пример во животот на своето дете и дека однесувањето на трибините остава силна порака.

Таа може да биде порака на фер-плеј, почит и спортски дух, или пак порака исполнета со навреди, притисок и нетрпение.

„Секоја критика кон судија, секој поглед со осуда кон друго дете или мешање во тренерската работа не ја гради, туку ја руши самодовербата на вашето дете,“ стои во соопштението на младинската школа.

ФК Пелистер ги повикува родителите да го почитуваат трудот на сите деца, да даваат поддршка со аплауз наместо со наредби и навреди, да ја прифаќаат секоја победа со скромност, а секој пораз со достоинство.

„Фудбалот е игра, а децата се тука да учат и да уживаат,“ додаваат од битолскиот клуб, нагласувајќи дека воспитувањето е еднакво важно колку и спортскиот развој.

“Драги родители:

Вие сте првиот и најважен пример во животот на вашето дете. Вашиот однос на трибините е порака. Дали ќе биде порака на почит, фер-плеј и спортски дух, или порака на навреди, притисок и нетрпение?

Секоја критика кон судија, секој поглед со осуда кон друго дете, секое мешање во тренерската работа не ја гради, туку ја руши самодовербата на вашето дете.

– Почитувајте го трудот: Како на своето, така и на другите деца.

– Дајте поддршка со аплауз, а не со наредби, навреди и викање.

– Прифатете ја секоја победа со скромност, а секој пораз со достоинство.

– Не заборавајте дека фудбалот е игра, а децата се тука да учат и да уживаат.

Ние градиме спортисти, но пред сè воспитуваме деца. Помогнете ни во таа мисија!

Трибините се ваш терен – играјте со срце”, се вели во соопштението на битолскиот клуб.

Со завршна порака „Трибините се ваш терен – играјте со срце!“, Пелистер уште еднаш потврди дека преку младинската школа не гради само фудбалери, туку и идни генерации воспитани во спортски дух.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

РепрезентацијаФудбалска репрезентација

Познати термините за баражот на Македонија против Кипар

По жрепката во Нион, УЕФА ги одреди и термините за одигрување на бараж натпреварите во сите конкуренции од Лигата на нации. Првиот дуел...

Кошарка

Скопје преживеа пресврт во финишот: Паркер ја запечати втората победа

Скопје стигна до драгоцена победа над Тиквеш Голден Игл со 97:94, во воведен натпревар од осмото коло на МТЕЛ кошаркарската Суперлига. Домаќините испуштија...

Поврзани написи
ФудбалФутсал

Кратово се израдува на првата сезонска победа откако ја декласираше Победа, Мартин Мишевски со пет гола

Футсалците на Кратово стигнаа до својата прва сезонска победа оваа сезона откако...

ФудбалФутсал

Црна Река како фаворит ќе го пречека дебитантот Шутка 1 во „Јасмин“

Црна Река утре на домашен терен во спортската сала „Јасмин“ во Кавадарци...

Втора лигаФудбал

Величков ќе суди во Битола, Ралевски го доби дербито Охрид – Беласица: Познати судиите за 12. коло во Втора лига

Фудбалската федерација на Македонија ги одреди судиите и службени лица за седумте...

✕
error: Содржина е заштитена! Се забранува копирање на истата!