Турнири

Фреит Оне пред повеќе од 2.000 гледачи го освои „Ораовица 2025“

Сподели
ФОТО: Михаилов
Сподели

Успешно заврши овогодинешното издание на турнирот во мал фудбал „Ораовица 2025“. Последниот, финален ден беше вистински спортски празник за радовишкото село, со над 2.000 посетители, вкусна скара, ладно пиво, многу голови и неизвесни натпревари – вистинско уживање за сите љубители на фудбалот.

Екипата на Фреит Оне е новиот шампион на турнирот, откако во големото финале со резултат 3:1 го совлада тимот на Il-Ma Montage. Натпреварот понуди голема доза на неизвесност, особено во првото полувреме, кое заврши со резултат 1:1.

Во второто полувреме, Фреит Оне беше поефикасен и попрецизен, успевајќи да постигне уште два гола и да ја обезбеди шампионската титула. За триумфот, тимот доби парична награда од 180.000 денари, додека второпласираниот Il-Ma Montage освои 85.000 денари.

Третото место ѝ припадна на екипата Јанев Пласт, која беше наградена со 40.000 денари, додека Мече Дел Шпед од Неготино, која заврши на четвртото место, доби 20.000 денари.

  • Поединечните награди ги добија:

Најдобар играч: Мартин Ристов (Фреит Оне)

Најдобар голман: Димитар Ѓоргиев (Фреит Оне)

Најдобар стрелец: Марио Благојевски (Il-Ma Montage)

„Ораовица 2025“ беше уште едно одлично издание на еден од најдобрите турнири во мал фудбал во регионот – турнир кој донесе квалитетна спортска програма, силна конкуренција, фер-плеј и многу емоции.


До следното издание во 2026 година – спортски поздрав од Ораовица!

Спортска Мрежа, за првпат годинава, беше медиумски покровител на турнирот, обезбедувајќи покриеност на сите натпревари од првиот до последниот ден.


Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

(ФОТО) Лазаров го надмудри својот учител Червар – Алкалоид го урна Еурофарм Пелистер и се искачи на третото место!

Ракометарите на Алкалоид на домашен терен во го совладаа актуелниот вицешампион Еурофарм Пелистер со 30:28, во 11. коло од македонската ракометна Суперлига. Во...

Ракомет

ГРК Тиквеш ќе добие нов тренер, откако се раздели со Кристијан Грчевски

Суперлигашот ГРК Тиквеш ќе добие нов шеф на стручниот штаб, откако клубот од Кавадарци се раздели со Кристијан Грчевски, а одлуката за разделба...

Поврзани написи
Турнири

ФК Камза од Албанија го потврди учество на Ohrid Winter Cup

Фудбалскиот клуб Камза од Албанија го потврди учеството на Ohrid Winter Cup...

Турнири

Уште само пет слободни места за новогодишниот турнир во Демир Хисар – награден фонд од 180.000 денари!

Интересот за новогодишниот турнир во мал фудбал во Демир Хисар е голем,...

Турнири

Стојаково повторно ќе живее за фудбалот – новогодишен турнир со награден фонд од 410.000 денари!

Стојаково и годинава ќе биде центар на фудбалските возбудувања во декември! На...

Турнири

ФК Кул со четири генерации доаѓа на Ohrid Winter Cup и носи силна конкуренција

Фудбалскиот клуб Кул од Скопје го потврди учеството на Ohrid Winter Cup,...

✕
error: Содржина е заштитена! Се забранува копирање на истата!