Шампионот Струга Трим Лум се врати на победничките патеки откако денес на Националната арена „Тодор Проески“ во Скопје со убедливи 1:4 го декласише Вардар, кој за шест дена доживеа нов дебакл.
Влајковиќ во 3. минута постигна гол за 0:1 а во 28. минута Босанчиќ постигна гол за 1:1. Во финишот на првиот дел Кампаоре постигна гол за 1:2. Во вториот дел Кампаоре постигна втор гол за 1:3, а во 74. минута Кехинде стрелаше за конечни 1:4 и голема победа за Струга, а нов голем пораз за Вардар кој е во долниот дел од табелата.
Во Кратово немаше погодоци откако Силекс и Шкендија ремизираа играјќи 0:0, за тетовци хендикеп беше што имаа играч помалку на терен, а во финишот остана и без уште еден играч. Погодоци немаше ниту во Битола каде ремизираа Пелистер и Тиквеш играјќи 0:0.
Работнички останува непоразен и понатаму откако во Охрид славеше со 0:2 над Воска Спорт, со што „романтичарите“ пред репрезентативната пауза ќе бидат на врвот од табелата во елитата.
„Романтичарите“ играа допадлив фудбал, имаат резултати за почит и сакаат титула за која чекаат една деценија.
На „Билјанини Извори“ на полувреме Работнички имаше водство од 0:1 со голот на Регба а во вториот дел Мазари погоди за конечни 0:2.
Гостивар во финишот прими гол од Беса за конечни 1:1 и поделба на бодовите. Гостивар и понатаму останува непоразен, а за Беса ова е голем бод. Домаќинот резултатот го отвори преку Ивановски во 61. минута дојде до водство од 1:0, а во 84. минута Скендери постигна гол за конечни 1:1.
Брера Струмица загуби на Чаир од Шкупи со резултат од 3:1. Домашниот тим преку Едмундсоон и Канда имаше рано водство од 2:0, а пак Ивковиќ погоди за 2:1 во 43. минута на полувреме.
Во вториот дел Ајетовиќ постигна гол во 73. минута за конечните 3:1 со што трите бодови останаа на Чаир.
