Младите фудбалери добиваат поголема можност во сениорскиот фудбал, промени во прозициите во делот на добивање на поголема минутажа кај второлигашите ќе се однесува и кај третолигашите.
Сите третолигаши од следната сезона 2025/2026 мораат да имаат во составот четири фудбалери под 21 година, натпреварот мора да го започнат и да го завршат првото полувреме со најмалку тројца фудбалери под 21 година.
- Еве што вели член 21б од пропозициите за Трета лига:
(1) Во записникот од натпреварот, клубовите учесници во Третите лиги мораат да имаат во составот 4 (четири) фудбалери кои немаат навршено 21 година.
(2) Сите клубови учесници во Третите лиги, натпреварот мора да го започнат и да го завршат првото полувреме со најмалку 3 (три) фудбалери кои немаат навршено 21 година.
(3) За екипата која, од причини поврзани со епидемија/пандемија, остане со 11 фудбалери кои можат да настапат, став (1) и (2) не е задолжителен.
(4) Во натпреварувачката сезона 2025/2026 година, право на настап како фудбалери до 21 година, во смисла на Пропозициите за натпреварување во Третите МФЛ, имаат сите фудбалери родени на 01.01.2004 година и подоцна.
(5) Фудбалерот од став (4) на овој член има право да настапува како фудбалер под 21 година за времетраење на целата натпреварувачка година.
(6) Во натпреварувањето во Третите лиги не се дозволува настап на фудбалери странци. (7) Во временски период од 48 часа, фудбалерите имаат право да настапат на најмногу 3 (три) полувремиња, од кои најмногу две полувремиња за период од 24 часа.
Во сезона 2025/2026 ќе има пет третолигаши региони (Југозапад, Запад, Север, Југ и Исток), а од сезона 2026/2027 ќе има шести регион.
