Амбициозниот Охрид за новата сезона во Втората лига договори искусен напаѓач дознава Спортска Мрежа, а се работи за Антонио Каланоски.
31-годишниот напаѓач ќе биде промовиран во дресот на Охрид во текот на утрешниот ден, со што „рибарите“ ќе имаат квалитетен голгетер со кој ќе ги полнат мрежите на противниците на патот кон остварување на својата цел влез во Прва лига.
Низ својата кариера искусниот Каланоски настапуваше за Охрид во период од август 2008 до јуни 2012 година, потоа продолжи во Металург, Локомотива Бентоекспорт, Напредок од Кичево, Еуромилк, Младост од Царев Двор, Силекс, Борец, Струга Трим Лум, Победа, Тетекс, Беласица, Шкупи, Гостивар и Брера Струмица.
Како што веќе претходно објави Спортска Мрежа екипата на Охрид досега се засили со голманот Дамјан Серафимов, браќата Димитриј и Стојан Попоски, Димитриј Димитриевски, Иван Глигоров, Андреј Симевски и Леонид Кофиловски.
Веќе утре ќе следува и првиот пријателски меч за Охрид против Трајал од Крушевац.
