Изминатиот викенд започна новата сезона од Општинската фудбалска лига во Гази Баба или Четврта лига каде екипата на Бујковци тргна со убедлива победа од 8:1 над Ускуп на домашен терен.
Оваа беше највисоката победа во првото воведно коло, а до овој висок триумф Бујковци стигна преку четири погодоци на Станковиќ, двата гола на Аземи, еден гол постигна Трајковски, а пак Муслиов си постигна автогол, за гостинот единствен стрелец беше Амит, кој стралеше во 81. минута.
Маџари Солидарност на домашен терен со 2:1 го доби дуелот против Гоце Делчев преку пресврт. Гостинот преку Алексов во 27. минута дојде до 0:1, а пак Крстевски во 32. минута израмни на 1:1 на полуреме. Во вториот дел Стојчевски постигна гол во 69. минута за пресврт и триумф од 2:1 за домаќинот.
Мечот меѓу Дељадровци и Долно Коњари заврши без погодоци (0:0) за реми и поделба на бодовите.
Миладиновци и Инџиково ги поделија бодовите откако двете екипи одиграа реми со четири погодоци за конечни 2:2.
Илчо Мојсоски во 23. минута погоди за 0:1 на полувреме за гостинот. Во вторио дел Борче Бојковски во 61. минута постигна гол за 1:1, а пак Мартин Спасовски во 64. минута одново го донесе Инџиково во водство од 1:2.
Во 74. минута од мечот Мојсоски си постигна автогол, а со тоа конечните исход беше 2:2 и поделба на бодовите.
Екс третолигашот Илинден на домашен терен доживеа висок пораз од 0:4 од екипата на Марино,во меч каде Фејзула беше двоен стрелец, а по еден гол постигнаа Богдановиќ и Симоновски.
Во првата рунда одмараше ланскиот третолигаш Петровец, кој требаше да игра со екипата на Скопско Поле која се откажа од натпреварување пред стартот на сезоната.
Веќе утре ќе се одиграат натпреварите од второто коло. Марино на домашен терен ќе игра со Инџиково, Ускуп со Миладиновци, Долно Коњари ќе биде домаќин на Бујковци. Екипата на Гоце Делчев ќе игра со Дењадровци, а пак Петровец ќе се соочи со Маџари Солидарност. Во второто коло екипата на Илинден ќе биде слободна.
