Македонија ЃП продолжува активно да го засилува тимот за новата сезона во Првата македонска фудбалска лига. Најново име во редовите на „лавовите“ е Алекса Јовановиќ, српски дефанзивец кој има 26 години.
Јовановиќ е фудбалер што главно дејствува како стопер, но подеднакво е вешт и на позицијата дефанзивен играч за врска. Во Македонија ЃП пристигнува од српскиот клуб Графичар, каде ги мина последните две сезони. Во својата кариера има настапувано и за Бор, Раднички и Инџија.
Со ангажманот на Јовановиќ, Македонија ЃП го продолжува процесот на реконструкција на тимот. Претходно ова лето клубот ги промовираше Мирсад Рамиќ за нападот, како и Јанков, Дарко Глишиќ, Талаков и Елмас, кои исто така се нови имиња во ростерот на скопскиот прволигаш.
