Екипата на Вардар обезбеди второ коло од квалификациите за Конференциската лига на УЕФА откако вечерва ремизираше со Ла Фиорита во Сан Марино играјќи 2:2, но благодарение на скопските 3:0 со вкупни 5:2 Вардар е во следната фаза.
Во второто квалификациско коло Вардар ќе се соочи со швајцарска Лозана, првиот меч ќе се игра во Македонија, а реваншот ќе биде во Швајцарија.
Во 10. минута од мечот Жоао Фелипе го отвори резултатот за водство на Ла Фиорита со гол од пенал. На полувреме домаќинот имаше 1:0.
Во вториот дел Мато со гол од пенал во 59. минута обезбеди 1:1, а пак во 84. минута Грандони си постигна автогол со што Вардар имаше 1:2.
Во 93. минута од мечот Јанкулов си постигна автогол со што беше поставен и конечниот исход од 2:2.
