Македонската репрезентативка Сара Стефаноска кариерата ја продолжува во Романија, каде ќе го носи дресот на Залау. Таа во романскиот шампионат доаѓа од редовите на српска Јагодина.
Романската лига важи за една од најсилните во светот, а Стефаноска ќе работи со искусниот романски стратег Георге Тадичи.
Во својата кариера Стефаноска настапуваше за Вардар, а кичевчанката своите ракометни почетоци ги направи во Кале од Кичево. Додека го носеше дресот на Вардар, Стефаноска беше меѓу најдобрите стрелци.
Таа ги помина кадетската и младинската репрезентација, а сега е дел од сениорската репрезентација, со која настапи на ЕП 2024.
