Турнири

Во понеделник стартува 25. Меморијален турнир „Влатко Петров“ во штипска Чардаклија

Сподели
Сподели

Во понеделник (14 јули) со почеток од 21:00 часот, населба Чардаклија во Штип повторно ќе стане центар на спортските возбудувањата, кога официјално ќе започне јубилејното 25-то издание на Меморијалниот турнир „Влатко Петров“ – еден од најпрестижните и најорганизирани турнири во мал фудбал во источниот дел од Македонија.

Турнирот, кој традиционално се игра во чест на прерано починатиот Влатко Петров, се одликува со врвна организација, фер атмосфера и висок натпреварувачки дух. Оваа година интересот за учество беше исклучително голем, а селекцијата на учесници заврши со формирање на 6 натпреварувачки групи со вкупно 24 екипи, кои ќе се борат за место во елиминациите и за дел од импресивниот наградeн фонд од 350.000 денари.

Натпреварите ќе се играат на спортскиот центар во населбата Чардаклија, под рефлектори и пред верната публика која секоја година го исполнува теренот со енергија и аплаузи. Екипата што ќе го освои првото место ќе биде наградена со 180.000 денари, додека за второто и третото место следуваат 100.000 и 50.000 денари, а дури и четвртопласираната екипа ќе добие 10.000 денари. Организаторите ќе доделат и индивидуални награди за најдобар стрелец и најдобар голман во висина од по 5.000 денари.

Турнирот годинава добива и дополнителна тежина – слави четврт век постоење, што за локалната спортска сцена претставува значаен јубилеј. Настанот е повеќе од само спорт – тоа е обединување на генерации, дружење, споменување и почит.

  • Групи на меморијалниот турнир „Влатко Петров 2025“:
Група А
1. Мршевци
2. Радање
3. Шкорпион
4. Кратово 1

 

Група Б
1. Чардаклија
2. Физиоарт
3. Електро ДМ
4. Multifix Битола

 

Група В
1. Freight One
2. Скопје 1
3. Матива
4. Puzzle

 

Група Г
1. Динамо Штип
2. СИЕР
3. Штерјов Credy
4. Хемија

 

Група Д
1. Агросмарт
2. Б.Р. Сашо ГИС
3. Џоле Транс Коп
4. Магна

 

Група Ѓ
1. Техногума
2. Компанија Атанасовски
3. Перо и Тајфата
4. Бако Транс

Како и изминатите три години, Спортска Мрежа е горд медиумски покровител на турнирот, со посветеност да ја приближи секоја вечерна фудбалска приказна до својата публика. Нашиот тим ќе биде присутен на секој натпревар, ќе известува за резултатите, ќе споделува фотографии, видео-содржини, анализи, изјави и емотивни моменти од Чардаклија – токму таму каде што фудбалот живее.

Останете со нас за најточни информации и ексклузивна покриеност од турнирот „Влатко Петров 2025“ – затоа што, како што велиме на Спортска Мрежа – македонскиот спорт е на едно место!

 

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Трета лигаФудбал

Пријателски меч на третолигашите Овче Поле и Борец

Утре ќе биде одигран пријателски меч меѓу Овче Поле и Борец, кој ќе се одигра на Градскиот стадион во Свети Николе со почеток...

Трета лигаФудбал

Спировски: Во недела одиме по историја во Струга, јас ветувам дека Втора лига ќе ја донесам во Могила!

Во рамки на 16. коло од Трета лига – Југозапад, љубителите на фудбалот ќе имаат можност да проследат вистинско дерби, откако второпласираната Могила...

Поврзани написи
Турнири

Интернационал Мастерс Куп 2026 расте: Пансерраикос и АК Фудбала 11 нови имиња на турнирот

Југоисточна Македонија во месец мај повторно ќе биде во знакот на младинскиот...

Турнири

Охрид Куп 2026 – Зошто сè повеќе екипи го избираат овој турнир?

Во време кога младинскиот фудбал сè почесто се сведува на резултати и...

Турнири

Чукарички пристигнува во Македонија: белградскиот клуб дел од Интернационал Мастерс Куп 2026

Југоисточна Македонија во месец мај ќе биде во знакот на младинскиот фудбал,...

Турнири

Зошто „Охрид Куп 2026“ е вистинскиот избор за вашата екипа?

Во време кога младинскиот фудбал сè повеќе се сведува на резултати и...

error: Содржина е заштитена! Се забранува копирање на истата!