Екипите на Фреинт Оне од Радовиш и Пица Ресторан Дивино од Босилово ќе одат на мегдан во големото финале на меморијалниот турнир „Благој Истатов 2025“ каде ќе се борат за фантастична награда од 500.000 денари.
Екипата на Дивино вечерва со 4:1 славеше над Украс ИНГ од Неготино, во меч каде на почеток имаше голема борба, а потоа во вториот дел тимот од Босилово постигна погодоци во клучен момент и го реши мечот за конечни 4:1.
Во вториот полуфинален меч беше вистинска драма. Фреинт Оне го доби мечот со 5:3 против Украс Инг. Радовишани мечот го отворија со два гола предност, а потоа тимот од Неготино израмни на 2:2.
Публиката проследи и пресврти и атрактивно прво, но и второ полувреме, за на крај конечниот исход да биде 5:3 за Фреинт Оне.
Во генерација 2016/2017 екипата на Брера 1 загуби со минимани 0:1 од ЖФК Тиверија, додека пак во генерација 2013/2014 во регуларниот дел победник немаше откако Пица Делиција и Јанг Бојс одиграа 3:3, а во пенал серијата екипата на Пица Делиција беше подобра со 4:3.
Утре сите патишта ќе водат кон спортскиот терен во Чифлик Маало во Струмица, каде прво ќе се одигра финале во младинската категорија, а потоа ќе следува мечот за трето место од 21:30 часот и големото финале кое е закажано за во 22:30 часот.
