Новиот второлигаш Големо Коњари под водство на новиот стратег Јовица Блажевски закажа два пријателски натпревари, а ќе бидат потврдени уште три, преку кои ќе се темпира формата за новата сезона.
На 24 јули ќе биде одигран првиот пријателски натпревар со новиот третолигаш на Истокот, екипата на Победа од Валандово, а мечот ќе се игра на теренот во Големо Коњари.
На 27 јули ќе се одигра уште еден пријателски меч, исто така на теренот во Големо Коњари против третолигашот Евротип од Битола.
Управата на Големо Коњари за Спортска Мрежа истакна дека во следните денови ќе бидат потврдени уште три пријателски натпревари преку кој Блажевски ќе ја утврдува формата на неговиот тим пред стартот на новата сезона во ВМФЛ, а кој е закажан за 23 август.
