Некогашниот прволигаш Еуромилк ГЛ во новата сезона од Третата македонска фудбалска лига – Север влегува со високи амбиции, освојување на првото место и обезбедување на бараж за можен влез во Втората лига.
Екс прволигашот веќе сериозно работи на градењето на ростерот за новата сезона, клубот од Горно Лисиче ги промовираше искусните Орхан Мифтар и Фати Јусиф што е потврда дека Еуромилк ГЛ сака враќање во Втора лига.
Искусните фудбалери во пакет доаѓаат од БВК Коњаре и носат големо искуство во тимот на Еуромилк ГЛ кој има намери да гради квалитетен тим.
Мифтар е вистински голгетер и најдобар стрелец, а во Еуромилк ГЛ доаѓа со големо искуство и тоа меѓународно. Низ својата кариера Мифтар настапуваше за Риниа, Дрита од Боговиње, Вардар Форино, Тетекс и други домашни екипи, а беше дел од Влазниа во Косово.
Фати последно беше дел од БВК Коњаре, а во минатото има настапувано за Скопје, Вардар Форино, Велазерими од Кичево, Шкупи, Работнички, Вардар и Локомотива.
Во новата сезона во Трета лига – Север ќе се натпреваруваат 14 екипи, а Еуромилк ГЛ ќе биде прв фаворит за влез во Втора лига.
