Фудбалскиот клуб Тиквеш од денеска ги започнува подготовките за новата сезона во ПМФЛ но и се разделува со шестмина фудбалери кои во изминатата сезона беа дел од прволигашкиот тим и помогнаа клубот да го обезбеди опстанокот во елитата.
Од клубот беше испратена официјална порака во која се изразува благодарност за досегашната соработка со следните играчи: Благоја Спиркоски, Алмир Цубара, Оливер Стоименовски, Давид Манасиевски, Филип Купанов и Арби Воша. Клубот им се заблагодари за досегашната соработка и им посака успех во понатамошните кариери.
Клубот веќе преговара со неколку нови играчи кои наскоро ќе бидат дел од црвено-белиот дрес, со што се очекува дополнително зајакнување на сите линии во тимот. Целта е да се создаде конкурентна екипа, способна да оствари позитивни резултати уште од самиот старт на сезоната.
