Анџело Николовски кариерата ја продолжува во нова средина, откако не се договори со Македонија ЃП за продолжување на соработката и за новата сезона по промоцијата на „лавовите“ во Првата лига односно нејзиното експресно враќање.
Двете страни си посакаа среќа во своите цели, со благодарност за досегашната соработка, иако зад Николовски е успешна сезона со три погодоци и девет асистенции.
Како што дознава Спортска Мрежа, штипјанецот е на радарот на неколку екипи меѓу нив и прволигаши, па во следниот период се очекува тој да ја избере вистинската опција.
23-годишникот низ својата кариера покрај за Македонија ЃП, настапуваше и за Детонит Плачковица, Гостивар, Кит Го од Пехчево и матичната Брегалница.
