Екипата на Шкендија Арачиново продолжува со оформување на ростерот за новата сезона, а најново име во таборот е Христијан Коцев. Дваесет и петгодишниот фудбалер кој игра на позицијата лев бек и се очекува да донесе стабилност, искуство и нова енергија во дефанзивната линија на тимот.
Коцев зад себе има солидна кариера во македонскиот фудбал – настапуваше за неколку прволигашки и второлигашки екипи како Македонија Ѓорче Петров, Осогово, Кораб, Победа од Прилеп и Скопје. Освен на домашната сцена, Коцев има и интернационално искуство, играјќи за грчкиот клуб Панаргијакос, каде се покажа како сигурен избор во одбраната.
Со неговото доаѓање, Шкендија Арачиново добива играч кој комбинира младост и искуство, и кој може да биде клучен фактор во борбата за подобри резултати во новата сезона.
