Ракометниот клуб Струга го гради ростерот за новата сезона во Суперлигата, со повисоки цели откако стружани опстанокот во елитата го изборија преку бараж совладувајќи го прволигашот Мулти Есенс од Автокоманда.
Струга ги задржа Ненад Костоски и Филип Пајкоски и за следната сезона, откако двете страни се договорија на едногодишна соработка.
Костоски игра на позицијата лево крило, додека пак Пајкоски е кружен напаѓач.
Во следниот период Струга ќе промовира и нови засилувања, а работи и на продолжување на соработката играчите од претходната сезона.
