Младите фудбалери на Академија Нови Таленти испишаа нова светла страница во своето растечко спортско портфолио, со одличен настап на силниот меѓународен турнир во Франкфурт, Германија. За првпат играјќи на цел терен (11 на 11), младите фудбалери се соочија со силна европска конкуренција и заслужено го освоија петтото место, прикажувајќи зрелост, борбеност и фудбалско знаење.
На турнирот учествуваа и врвни екипи како Ајнтрахт Франкфурт, ФК Франкфурт, Макаби Франкфурт, како и други силни тимови од регионот, што само ја зголемува тежината и вредноста на пласманот на Нови Таленти.
Ова искуство претставува важен чекор во развојот на младите фудбалери, кои и покрај својата возраст покажаа дека не заостануваат зад своите врсници од најреномираните европски академии.
Посебна благодарност од клубот е упатена до родителите за несебичната поддршка и присуство, без кои оваа интернационална авантура не би била возможна.
Академијата најавува дека ова е само почеток – следуваат нови домашни и меѓународни турнири во текот на целата година, а тимот ќе продолжи да се гради со истиот ентузијазам, посветеност и љубов кон фудбалот.
