На денешната седница на Управниот одбор на Третата македонска фудбалска лига – Исток беше донесена одлука седиштето да остане во Општинскиот фудбалски сојуз (ОФС) Кочани и во следната сезона.
Дополнително, познати се сите екипи кои ќе се натпреваруваат во Трета лига – Исток, која по подолг период ќе брои повеќе екипи односно 12 или две повеќе од минатата сезона.
Нови третолигаши се Победа од Валандово која по неколку години се враќа во Трета лига – Исток, а по една година пауза се враќа и Рудар од Пробиштип, во Трета лига – Исток по една сезона во Втора лига се врати експресно Вардарски од Богданци, а во Втора лига од Трета лига – Исток влезе Слога Виница.
Тоа значи дека во новата сезона ќе се натпреваруваат Брегалница Делчево, Хоризонт Турново, Овче Поле, Карбинци, Дојранско Езеро, Светлост Зрновци, Малеш, Ударник, Тиверија, Рудар, Победа Валандово и Вардарски.
Според информациите на Спортска Мрежа новата сезона во Трета лига – Исток треба да започне на 7 септември (недела), а системот на натпреварување останува ист, односно двокружен систем (дома – гости).
Како што е познато шампионот ќе игра бараж за можен влез во Втора лига.
