ФК Пелистер започна реорганизација по најавените промени во структурите на клубот. За нов координатор на фудбалската школа е именуван Марјан Секуловски, и тој ќе го заземе местото на Златко Цветановски.
Секуловски е поранешен фудбалер и тренер на клубот, познат по својата работна етика и професионалност. Во текот на својата кариера, тој водеше клубови од Првата македонска фудбалска лига како и во странство во Мјанмар, Малезија, Бангладеш постигнувајќи забележителни резултати. Нему му е доверена целосната реконструкција и развој на школата на Пелистер.
„Ова е нашиот прв чекор, а наскоро ќе ги објавиме и останатите промени. Клубот донесе одлуки за менаџментот и управувањето, кои ќе ги презентираме на официјална прес-конференција во следните денови. Нашата цел е развојот започнат од претходната управа да продолжи, а ФК Пелистер да се стабилизира како прволигаш со особен значај во македонскиот фудбал“, стои во соопштението на клубот.
Виолета Јанчева, Спортска Мрежа
