Вардар по седумнаесетти пат го освои Купот на Македонија откако во СРЦ „Билјанини Извори“ славеше со 31:27 над Еурофарм Пелистер.
Тренерот на Вардар, Гиљермо Милано за Спортска Мрежа изјави дека е многу среќен за клубот за играчи и за освоената Куп титулата. Вели дека атмосферата кога играат против Пелистер секогаш е одлична, ни изјави дека сакал да остане тука засекогаш.
„Најпрво, многу сум среќен за клубот, како и за играчите. Ние го заслуживме ова, клубот го заслужи, па тоа е првата работа за нас. Ова е мое прво финале со Вардар, се надевам ќе ги имам уште, навистина уживав, беше интензивен натпревар и атмосферата што ја имаме на секој меч кога играме против Пелистер е одлична, така што, би сакал да останам тука засекогаш“, изјави Гиљермо Милано за Спортска Мрежа.
Аргентинецот ја продолжи соработката за Вардар и ќе го води најтрофејниот клуб и во следната сезона.
