Изминатиот викенд Охрид беше домаќин на кошарка во колички Меѓународен турнир „Охрид 2025“. Натпреварите се одиграа во СРЦ „Билјанини Извори“, а учествуваа екипи од Македонија, Црна Гора, Србија и Бугарија.
Се работи за нов спорт во Македонија кој се практикува две години, а интересот за истиот е голем, па сите лица со попреченост може да се приклучат и да бидат дел од клубот Хоуп Спорт, кој тренира во СЦ „Јане Сандански“ во Скопје.
На турнирот кој се играше во СРЦ „Билјанини Извори“ во Охрид учествуваа покрај македонскиот тим Хоуп Спорт од Скопје, и екипата на Ибар Рожаје од Црна Гора, Наис Ниш од Србија и Левски Софија од Бугарија.
Влезот на натпреварите кои се играа на 26 и 27 април беше слободен.
