Во сабота, на 3 мај, на Плоштадот во Охрид ќе се одржи тенискиот фестивал „Запознај го тенисот низ игра и дружба“, со цел да го промовира и приближи тенисот до сите заинтересирани дечиња од Охрид и околината.
Тениската забава ќе започне во 11 часот, а ќе се одржува на самиот Плоштад, кој за таа цел ќе биде претворен во вистинска мала тениска авантура.
Дечињата што ќе учествуваат на овој спортски настан ќе имаат можност да ги направат своите први чекори во тенисот, да научат повеќе за овој спорт и да се забавуваат на мини терени кои ќе бидат специјално поставени на плоштадот.
Овој тениски фестивал веќе успешно се одржа во неколку други градови, а сега доаѓа ред и на Охрид – нашиот најголем туристички центар.
