Македонската тенисерка Лина Ѓорческа ја оправда фаворитската улога на турнирот во Грузија, победувајќи ја домашната тенисерка Зозија Кардава со 2-0 во сетови.
Првиот сет беше изедначен, во кој и двете тенисерки имаа проблеми на свој сервис. Ѓорческа направи пет брејка, еден повеќе од Грузијката, и го освои сетот со 5-7.
Во вториот сет, Лина играше значително подобро, дозволувајќи на Кардава само два гема, и така заслужено ја обезбеди победата.
Во следната рунда, Ѓорческа ќе се сретне со победничката од дуелот помеѓу Анастасија Тиконова и Софија Шапатава.
Виолета Јанчева, Спортска Мрежа
