Нашите реномирани судии Димитар Митревски и Благојче Тодоровски добија значајна доверба од Европската ракометна федерација и ќе ја делат правдата на дерби натпреварот меѓу Австрија и Швајцарија во рамки на квалификациите за Европското првенство 2026.
Оваа средба, која ќе се одигра на 11 мај во Грац со почеток од 18:00 часот, е директна пресметка за второто место во групата – позиција што обезбедува директен билет за настап на континенталниот собир. Тимот што ќе заврши на третото место ќе мора да се надева на поволен расплет во останатите квалификациски групи.
Фактот дека македонскиот судиски тандем е избран да ја дели правдата на ваков натпревар само ја потврдува нивната квалитетна работа и респектот што го уживаат на меѓународната сцена.
