Вечерва беше комплетира 21. коло на Втората футсал лига на Македонија со натпреварот во Брвеница каде екипата на Партизан Југ со 9:7 го доби тимот на Каршиака.
Овој натпревар беше прогласен за натпревар во висок ризик, а мечот го одбележа и враќањето на капитенот Синиша Симјаноски во екипата кој беше двоен стрелец во клучен момент за триумф на неговата екипа.
Покрај двата гола на Симјаноски, хет-трик постигна Марио Стојковски, двапати погоди Марко Спироски, а по еден гол Славче Антовски и Новица Костадиноски.
За гостинската екипа четири гола постигна Енис Ибраими, а по еден гол постигнаа Хамза Садики, Нехат Емини и Неџати Шабани.
Ланскиот прволигаш Овче Поле од Свети Николе однесе висока и убедлива победа од 2:8 над „фенерџијата“ Карадаку во Липково. Ѓорѓи Султанов постигнат хет-трик за гостинот, двоен стрелец беше Марио Панев, како и Иван Наумов, додека пак стрелец на еден гол беше Александар Петровски.
За екипата на Карадаку двата гола ги постигна Шуајб Шукрија, во првиот и во вториот дел.
Кратово со резултат од 3:1 славеше над СЕЕ Университи, каде за домаќинот стрелци беа Димитар Стојановски, Драган Стефанов и Горан Арсовски, а пак за гостинот од Тетово во спортската сала „Софија Петровска“ во Пробиштип единствен стрелец беше Зеќирија Османи.
Мал Ајакс како на ракомет го „здроби“ Конзули и за Битола го испрати со полна мрежа откако штипјани триумфираа со 15:2, а десетте гола ги постигна Иса Дурмишов, а погодоците ги постигнуваше како на брза лента.
Седат Мамудов постигна два гола, а по еден гол постигнаа Љубомир Тиквешанец, Андреј Трајанов и Сердар Синанов. За гостинот од Битола двоен стрелец беше Лука Ѓорески.
