Во неделата беа одиграни натпреварите од последното 22. коло на регуларниот дел на Втората македоснка кошаркарска лига, со што сега следуваат предизвиците во плеј-офот.
Црн Дрим го доби езерското дерби со ланскиот прволигаш Охрид откако стружани беа подобри со 86:83, фаворитот Маџари славеше над Борец Баскет со 69:81, Струмица беше поразена од Бутел со резултат од 72:66.
Водно Санс немаше сили за МЗТ Скопје Уни Банка и загуби со 89:114, Ангели како фаворит забележа гостинска победа над Мега Баскет со 69:75, а пак изненадувачки беше поразот на Соколи од „фенерџијата“ Работнички со 109:91, но на овој меч штипјани настапиле со млади играчи со цел да чуват свежи сили за плеј-офот.
Откако беше комплетиран регуларниот дел од 22 кола, сега се познати двојките за четвртфиналето.
Маџари (1) ќе игра со Охрид (8), Ангел (2) против Борец Баскет (7), Соколи (3) против Бутел (6), а пак Црн Дрим (4) против МЗТ Скопје Уни Банка (5).
Победникот од дуелот меѓу Маџари и Охрид ќе игра со подобриот од дуелот меѓу Црн Дрим и МЗТ Скопје Уни Банка, а пак во второто полуфинале ќе играат победникот од мечот меѓу Ангели и Борец против подобриот од Соколи и Бутел.
Во плеј-аутот за опстанок ќе се борат Работнички 2018, Струмица, Мега Баскет и Водно Санс. Последните две екипи испаѓаат директно во Третата кошаркарска лига.
