На неколку кола до крајот за комплетирање на сезоната во Третата македонска фудбалска лига речиси ги имаме сите екипи кои ќе играат бараж за можен влез во Втората македонска фудбалска лига.
Од петте третолигашки региони во два веќе имаме прогласени шампиони – Слога Виница е шампион во Третата македонска фудбалска лига – Исток додека пак екипата на Шкендија Арачиново е шампион во Третата македонска фудбалска лига – Север.
Пред прогласување на шампион е екипата на Преспа од Ресен во Трета лига – Југозапад, Тетекс е пред прогласување на шампион во Трета лига – Запад, а пак Големо Коњари е пред прогласување на шампион во Третата македонска фудбалска лига – Југ.
Од второлигашите Осогово е сигурен во баражот за опстанок во Втората лига, па со тоа веќе ги имаме екипи кои во следните две кола и официјално ќе бидат потврди за баражот.
Тоа значи дека бараж за можен влез во Втората македонска фудбалска лига ќе играат екипите на Шкендија Арачиново, Слога Виница, речиси сигурно Тетекс, Преспа, а кон баражот гледа и Големо Коњари, како и Осогово кој како второлигаш ќе бара опстанок.
Како што е познато исфрлањето на Воска Спорт од Прва лига во најнизок ранг на натпреварување отвара простор пополнување на Втора лига со уште третолигаши од шампионите, па така многу извесно ќе биде дека преку ждрепка од поразените екипи ќе се бара третолигаш кој ќе биде дел од Втора лига за следната сезона.
Ваквиот случај е познат од сезона 2022/2023 кога преку ждрепка екипите на Новаци и Осогово беа извлечени и обезбедија место во Втора лига, а пак екипата на Влазерими од Кичево беше таа која остана во Трета лига – Запад, односно немаше среќа.
