Пријавите се во тек за учество на Меѓународниот турнир во фудбал „Балкан Промисес“, кој ќе се одржи во Охрид, во три термини за пет генерации.
Традицијата продолжува, и оваа година ќе се одржи Меѓународниот фудбалски турнир „Балкан Промисес“, на кој, покрај екипи од Македонија, ќе учествуваат и тимови од регионот.
Станува збор за три турнири: првиот ќе се игра од 16 до 19 јуни 2025 година, вториот од 19 до 22 јуни, а третиот од 22 до 25 јуни 2025 година.
Ќе бидат опфатени пет генерации: 2012, 2013, 2014, 2015 и 2016.
Натпреварите ќе се одиграат според правилата на Фудбалската федерација на Македонија (ФФМ), со следниве формати: генерациите 2012 и 2013 ќе играат 8+1, генерациите 2014 и 2015 ќе играат 7+1, а најмалите фудбалери од генерација 2016 ќе играат 5+1.
Термини за одигрување на натпреварите ќе бидат од 9:00 до 12:00 часот и од 17:00 до 20:00 часот.
Екипите ќе бидат поделени во групи од по четири тима, а првите две најдобропласирани ќе обезбедат пласман во елиминациската фаза.
Во четвртфиналето и полуфиналето, натпреварите ќе се играат по нокаут-систем (knock-out систем).
Понудата е повеќе од одлична, со сместување во хотел и полн пансион. За повеќе информации, контактирајте нè во порака.
Спортска Мрежа и годинава ќе биде медиумски покровител на „Балкан Промисес“.
