Продолжува борбата за директен влез во Првата македонска фудбалска лига и натаму четирите екипи се во трка за првите две места кои директно водат кон елитата, како и за третото место кое води кон баражот за можен влез во Прва лига.
Екипата на Македонија ЃП предводена од Бобан Грнчаров сега е сама на врвот од табелата со 57 бодови, а на второто место остана Башкими со 56 бодови. Трет е Арсими, а тимот од Чегране на своето конто има 55 бодови, а пак Брегалница од Штип е четврта со 52 бодови на своето конто.
Штипјани го имаа најтешкиот пат да завршат на првите две позиции кои директно водат кон елитата, бидејќи имаат три бода негатива од третото место, а пак четири од второто и пет од првото место.
Во долниот дел веќе се е решено Вардарски е без математички шанси за директен опстанок, а веќе и без шанси за бараж, па во следното коло Вардарски и официјално ќе бидат испаднат во Трета лига – Исток и тимот од Богданци експресно ќе се врати во третолигашкото друштво бидејќи после 27 години се врати во Втора лига, но само со епизодна улога.
Иста ситуација има и Борец, тим кој се врати експресно од Трета лига – Југ во Втора лига, но тимот од Велес од следната сезона одново ќе биде дел до Трета лига – Југ.
- ЦЕЛА ТАБЕЛА НА ВТОРА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МАКЕДОНИЈА Ѓ.П 1932 АД | 26 | 17 | 6 | 3 | 43 | 8 | +35 | 57 |
| 2 | АД ФК Башкими 1947 Куманово | 26 | 17 | 5 | 4 | 45 | 18 | +27 | 56 |
| 3 | ФК АРЕСИМИ-1973 | 26 | 17 | 4 | 5 | 45 | 21 | +24 | 55 |
| 4 | ФК БРЕГАЛНИЦА 2008 АД | 26 | 15 | 7 | 4 | 35 | 20 | +15 | 52 |
| 5 | ФК БЕЛАСИЦА АД | 26 | 10 | 9 | 7 | 33 | 26 | +7 | 39 |
| 6 | ГФК ОХРИД ЛИХНИДОС | 26 | 11 | 6 | 9 | 32 | 32 | 0 | 39 |
| 7 | ФК ДЕТОНИТ ПЛАЧКОВИЦА | 26 | 8 | 13 | 5 | 31 | 22 | +9 | 37 |
| 8 | ФК СКОПЈЕ АД | 26 | 8 | 10 | 8 | 28 | 25 | +3 | 34 |
| 9 | ФК КОЖУФ ГЕВГЕЛИЈА | 26 | 7 | 12 | 7 | 24 | 22 | +2 | 33 |
| 10 | ФК КАМЕНИЦА САСА | 26 | 9 | 6 | 11 | 37 | 38 | -1 | 33 |
| 11 | ФК ПОБЕДА АД | 26 | 8 | 6 | 12 | 25 | 30 | -5 | 30 |
| 12 | ГФК ВАРДАР Неготино | 26 | 9 | 3 | 14 | 29 | 43 | -14 | 30 |
| 13 | ЗФК НОВАЦИ 2005 | 26 | 7 | 8 | 11 | 23 | 29 | -6 | 29 |
| 14 | ГФК ОСОГОВО | 26 | 5 | 7 | 14 | 23 | 43 | -20 | 22 |
| 15 | ФК БОРЕЦ 1919 АД | 26 | 3 | 4 | 19 | 15 | 45 | -30 | 13 |
| 16 | ФК ВАРДАРСКИ | 26 | 3 | 2 | 21 | 20 | 66 | -46 | 11 |
