По 20 одиграни кола во Првата женска фудбалска лига, најдобар стрелец е репрезентативката на Македонија, Хава Мустафа. Фудбалерката на Љуботен досега има постигнато 24 погодоци. Трката за најдобар стрелец ја водат уште две фудбалерки, кои заостануваат со само неколку гола.
На второто место на листата се наоѓа капитенот на Каменица Саса, Ана Димитровска, со 23 погодоци, додека третото место ѝ припаѓа на Бразилката Тчеури Харуми Гоја, која со 21 гол го брани дресот на Тиверија Брера од Струмица.
Овие три фудбалерки ќе ја водат борбата до самиот крај за титулата најдобар стрелец во македонската женска фудбалска елита.
