ФК АП Брера, генерација 2014 година, на достоинствен начин го одбележа Велики петок. Младите фудбалери ја посетија црквата „Св. Димитриј“ каде што покажаа почит кон верата и традицијата, а потоа продолжија со тим билдинг активност во „Кафе 19“.
Оваа посета не беше само духовно искуство, туку и важна лекција за вредностите кои ги негува клубот: почит, заедништво, воспитување и вера. Од АП Брера испратија порака дека децата треба да растат со јасен правец – да се почитуваат меѓусебно, да ги почитуваат родителите, повозрасните, претпоставените и религијата.
„Без почитување на религијата, сме никој и ништо,“ вели тренерот Кире Ангеловски, притоа посакувајќи им на сите верници убави Велигденски празници.
Фудбалските предизвици продолжуваат веќе следната недела, кога стартува продолжението од Детската лига на ФФМ. Иако резултатите се во втор план, АП Брера има јасна цел – да биде прв во Југоисточниот регион и со тоа да обезбеди место на завршниот турнир во Скопје, каде што ќе се стремат кон што е можно подобар пласман.
