Уште еден голем спортски настан во Радовиш, СРЦ „25 Мај“ ќе биде домаќин на финалето од футсал Купот на Македонија, а причината е повеќе од јасна, одличните услови кои ги нуди овој спортски храм.
Спортска Мрежа прва го најавува големото финале од футсал Купот на Македонија, кое ќе се игра во СРЦ „25 Мај“ во Радовиш, а ние како спортски медиум дадовме предлог токму овој спортски храм да биде местото каде да се одигра финалето од футсал Купот на Македонија, пред се поради добрите услови кои ги нуди салата и добрите домаќини, за што се потврди и со завршницата од одбојкарскиот Куп на Македонија.
Салата беше реконструирана со тоа што доби нов под како и нови трибини, а подобрувањето на условите во салата продолжуваат и во иднина условите ќе бидат на уште повисоко ниво.
Финалето од футсал Купот на Македонија ќе се игра на 27 април (недела) до 19 часот, а радовишани како и на завршницата од одбојкарскиот Куп на Македонија ќе бидат добри домаќини, за што веќе во тек се организациските активности.
Во големото финале од футсал Купот на Македонија ќе се соочат бранителот на Куп титулата, екипата на Форца која атакува на нова двојна круна, како и Осогово од Крива Паланка кој игра историско финале и оди кон прва Куп титула во својата клупска историја.
Во следните денови ќе направиме комплетна анализа на двете екипи како стигнаа до финалето, играчи, успеси.
