Актуелниот шампион и лидер на табелата Љуботен не виде мака на гостувањето во Битола каде со 0:3 го доби Топ Гол за продолжување на победничката низа на патот кон одбрана на шампионската титула во Првата женска фудбалска лига, а во рамки на 20. коло на Првата женска фудбалска лига.
Шампионот во Битола дојде како на прошетка или на лесен тренинг натпревар, а на клупата за резерви имаше само три фудбалерки.
Тетовскиот тим преку интернационалката од Нигерија, Мариан Огочукву Охадиве го отвори резултатот за водство од 0:1 по првите 45 минути. Во второто полувреме Хава Мустафа постигна гол за 0:2 во 50. минута, а дваесет минути подоцна Настасја Накова ги постави конечните 0:3.
Во Пржино немаше победник, Истатов и Атлетико ги поделија бодовите, откако ремизираа без погодоци (0:0).
Каменица Саса со 2:3 ја доби екипата на Речица на гостински терен, во меч каде Антонина Шопска со два брзи гола рано обезбеди предност од 0:2, а веќе во 16. минута Туане Де Соуза Фрагосо зголеми на 0:3.
Во второто полувреме Анабела Николовска си постигна автогол, а пак во 74. минута Емили Митковска ги постави конечните 2:3.
Колото ќе се комплетира во сабота со натпреварот во Струга меѓу Ас Јунајте и Тиверија Брера.
