Ракометарите на Радовиш го забележаа првиот триумф во плеј-аутот на Суперлигата, во битката која ја има тимот за директен опстанок во ракометната елита на Македонија, откако славеа над Струга со 33:23.
Висока и убедлива победа за тимот на Игор Котевски во моменти кога најмногу беше со оглед дека Радовиш загуби од Куманово во гости, но и во Велец од Борец ФЛ кога Радовиш имаше тежок пораз.
Натпреварот во „СРЦ 25 Мај“ тргна одлично за домашниот тим кој имаше постојано водство, а стружани постојано бркаа негатива, а на полувреме Радовиш имаше 15:9.
Најдобар кај Радови шбеше Лазар Адамовиќ со девет гола, додека пак кај Струга се истана Лазар Ристиќ кој постигна шест гола.
Пролет на домашен терен обезбеди победа над Борец ФЛ со резултат од 36:30. Натпреварот беше егал особено во вторито дел кога Пролет имаше плус четири на 25:21, а потоа со серија гостинот од Велес дојде до 26:25.
Сепак, кога најмногу беше потребно Пролет направи нова серија и дојде до 32:27 или плус пет, а потоа имаше и 34:28, за на крај натпреварот да го добие со конечни 36:30.
Кај Пролет најпрецизен беше Мице Шилегов со девет гола, додека пак кај Борец ФЛ се истакна Зоран Стојановски, со девет погодоци.
