Во рамки на 3. коло од плеј-оф фазата од ракометната Суперлига, во петок, амбициозните охриѓани му гостуваат на Вардар во Скопје.
Искусниот голман од таборот на Охрид, Даниел Ѓорѓески, за Спортска Мрежа изјави дека натпреварот нема да биде лесен, меѓутоа истакна и дека тие максимално се подготвуваат, и се надеваат дека ќе одиграат еден одличен натпревар, каде ќе се обидат да стигнат до позитивен резултат.
„Во петок нѐ очекува тежок натпревар со Вардар на гостински терен, ние максимално се подготвуваме за овој натпревар, знаеме дека нема да биде лесно, со оглед на тоа дека имаме неколку повредени играчи, но ќе дадеме сѐ од себе да изиграме еден одличен натпревар и да се обидеме да дојдеме до позитивен резултат“, рече Ѓорѓески во изјава Спортска Мрежа.
Натпреварот се игра во петок, во салата „Јане Сандански“ со почеток во 18 часот.
