Осогово со резултат од 2:3 забележа победа во полуфиналето над Јувентус Серава и обезбеди историско финале од футсал Купот на Македонија, каде тимот од Крива Паланка ќе оди на соочување со актуелниот бранител Форца.
Омер Османи во 9. минута постигна гол за 1:0 и водство на Јувентус Серава на полувреме. Во вториот дел гостинот од Крива Паланка направи пресврт откако Давид Ристовски погоди за 1:1, а потоа искусниот Мартин Тодоровски постигна гол за 1:2 и пресврт на резултатот.
Натпреварот понуди супер неизвесна завршница откако Фуркан Шабани во 38. минута постигна гол за 2:2, но веднаш Ристовски со втор гол ги постави конечните 2:3 за огромна радост кај тимот од Крива Паланка.
Во големото финале Осогово ќе го предизвикува актуелниот бранител на Куп титулата Форца, која сака двојна круна како и минатата сезона.
