Понекогаш натпреварите во Втората футсал лига наликуваат на ракометни натпревари, па така во меч од 18. коло екипапа на Каршиака до врв ја наполни мрежата на Победа за триумф од неверојатни 21:2.
Нехат Емини и Фуркан Ќани постигнаа по четири гола, Џезаир Рамадани и Енис Мемеди постигнаа по три гола, двојни стрелци беа Аммар Мемеди и Хамза Садики, а пак по еден гол постигнаа Неџати Шабани, Иса Елмази и Ридај Вељии.
За гостинот од Прилеп стрелци на двата погодоци беа Кристи Крајоски и Никола Трајкоски.
Балкан слави победа од 9:4 над Партизан Југ од Брвеница, но го слави и Јусуф Сулејмани кој постигна пет гола за домашниот тим, двоен стрелец беше Мартин Љотевски, а по еден гол постигнаа Пајтим Реџепи и Емин Незири.
За гостинот од Брвеница двапати погоди Игор Марковски, по еднаш Даниел Јандриески и Стефан Апостолоски.
Овче Поле доби уште еден важен и голем меч со кои изби на врвот од табелата, во спортската сала „Цар Самоил“ во Свети Николе со 7:3 го доби Кораб од Дебар.
Хет-трик за домаќинот забележаа Марио Панев и Ѓорѓи Султанов, а еден гол постигна Стефан Трендафиловски, додека пак за гостинот стрелци беа Бурхан Бајрами, Октај Беќири и Енес Боличе.
Карадаку забележа нов пораз откако на домазет терен загуби од екипата на Кратово со 6:9, но во меч каде Омер Саќипи беше стрелец на шест гола за домаќинот, а пак за гостинот двојни стрелци беа Бобна Начковски, Кевин Јакимов и Горан Арсовски, а по еден гол постигнаа Давид Стојановски, Глигорче Јакимов и Никола Стојчевски.
Претходно како што објави Спортска Мрежа екипата на СЕЕ Университи го совлада дотогаш лидерот Мал Ајакс со 8:2 и го спушти на третото место, а пак ССК Скопје беше слободна.
На првото место е Овче Поле со 40 бодови, а толку има и Балкан кој е втор, а пак Мал Ајакс сега е трет со 39 бодови, а тоа ветува неверојатно пеколна борба за првите две места кои директно водат кон Прва лига.
