Рекордна победа за Слога Виница откако тимот на Емил Грнев со 15:0 го декласираше во секој поглед Хоризонт Турново, но треба да се напомене фактот што домаќинот е неколку класи помоќен и со искусни играчи, во однос на гостинот кој настапува со млади играчи надополнет со неколку поискусни фудбалери.
Големата победа беше најавена во првиот дел кога на полувреме резултатот беше 6:0, а во листата на стрелци за Слога Виница со по три гола се запишаа Филип Петковски, Иван Настевски и Октај АМедов, по два голаа имаа Игор Ѓорѓиев и Михаил Воинов, а по еден гол Љупче Христовски и Виктор Крстевски.
Дојранско Езеро ги собра трите бодови во Берово откако со голот на Оливер Маринковиќ триумфираше со минимални 0:1.
Овче Поле во 90. минута ги собра трите бодови во дуелот со Карбинци откако стрелец за домашниот тим беше Никола Лазев за минимална победа од 1:0.
Тиверија го загуби дербито од дното на табелата откако струмичани беа поразени со 0:3 од Ударник од Пирава.
Адријан Спасиќ беше двоен стрелец за гостинот, а еден гол постигна Кирил Коколански.
Трите бодови останаа во Делчево откако Брегалница со 2:1 го доби Светлост од Зрновци, но гостинот може да жали за овој резултат. Драган Гаврилов во 74. минута си постигна автогол со што домаќинот дојде до предност од 1:0. Во 80. минута Илија Шуманов погоди за 1:1. Неизвесноста за трите бодови продолжи, а во 90. минута Дарко Пешовски погоди за конечни 2:1.
На врвот од табелата останува Слога Виница со 36 бодови, а по 23 бодови имаа Овче Поле и Брегалница од Делчево за делба на третото место. Во текот на следните денови ќе направиме комплетна анализа на табелата.
